İnvestisiya qiymətli kağızlarının kütləvi təklifi onların qeyri-müəyyən sayda şəxsə, kütləvi informasiya vasitələri ilə və ya 50 nəfərdən artıq şəxsə təklif edilməsidir. Qiymətli kağızların kütləvi təklifi abunə yazılışı və ya hərrac üsulu ilə Bakı Fond Birjasında həyata keçirilir.

Abunə yazılışı — qiymətli kağızların kütləvi yerləşdirilməsi zamanı investor sifarişlərinin öncədən açıqlanmış müddət ərzində toplandığı və bu müddətin sonunda icra olunduğu yerləşdirmə üsuludur. İnvestorlar sifarişlərini yalnız abunə yazılışı müddəti ərzində yerləşdirə bilərlər. Abunə yazılışı maksimum 90 gün davam edə bilər. Abunə yazılışı başa çatdıqdan sonra 5 iş günü ərzində sifarişlərin icrasına başlanılır və icra müddəti 7 iş günündən çox olmamalıdır.

Hərrac — qiymətli kağızların kütləvi yerləşdirilməsi zamanı investor sifarişlərinin müvafiq ticarət saatları daxilində toplandığı və icra olunduğu yerləşdirmə üsuludur.

Birqiymətli abunə yazılışı və ya hərrac zamanı investorlar yerləşdirmədə yalnız eyni qiymətlə iştirak edirlər. Rəqabətli yerləşdirmə üsulunda isə investorlar qiymət üzərindən rəqabətə girərək sifariş yerləşdirirlər və qəbul bitdikdən sonra yerləşdirmə ən yüksək qiymətlə təqdim edilmiş sifarişlərdən başlayaraq icra olunur.

Abunə yazılışı zamanı toplanan sifarişlərin ümumi həcmi satışa çıxarılan qiymətli kağızların həcmindən çox olarsa, sifarişlər proporsional qaydada bölünür. Proporsional bölünmə şərtləri hər bir qiymətli kağız buraxılışı üzrə fərqli ola bilər və bu şərtlər emissiya prospektində ətraflı göstərilir.

Abunə yazılışı maksimum 90 gün davam edə bilər. Abunə yazılışı başa çatdıqdan sonra 5 iş günü ərzində investor sifarişlərinin icrasına başlanılır və icra müddəti 7 iş günündən çox olmamalıdır.

İnvestisiya qiymətli kağızlarının kütləvi təklifi başa çatdıqdan sonra emitent 10 iş günü ərzində Mərkəzi Banka kütləvi təklifin yekunları haqqında hesabat təqdim etməlidir. Mərkəzi Bank bu hesabata 15 iş günü ərzində baxır. Hesabat təsdiq edildikdən sonra yerləşdirmə tamamlanır və səhmlər investorların portfelinə köçürülür.

Abunə yazılışında sifarişlərin ləğv edilmə şərtləri emissiya prospektində qeyd olunur.

Səhm və ya istiqraz buraxan şirkət emitent adlanır.

Emissiya prospekti emitentin qiymətli kağızlarını kütləvi təklif üsulu ilə yerləşdirməsi üçün hazırlanmış sənəddir. Bu sənəd Azərbaycan Respublikası Mərkəzi Bankı tərəfindən təsdiq edildikdən sonra emitent öz qiymətli kağızlarını investorlara təklif edə bilər. Emissiya prospektində emitent, qiymətli kağız və onun buraxılış şərtləri barədə ətraflı məlumat verilir. Kütləvi təklifdə iştirak etməzdən əvvəl emissiya prospekti ilə tanış olmaq tövsiyə olunur.

Yerli bazarda buraxılmış qiymətli kağızlar elektron formada Milli Depozit Mərkəzində saxlanılır. İnvestorların qiymətli kağızları broker tərəfindən onlar üçün açılmış depo hesabında saxlanılır. Depo hesabının açılması üçün xidmət haqqı 5 AZN-dir. Səhmlərin kütləvi yerləşdirilməsində iştirak məqsədilə açılan depo hesabları xidmət haqqından azaddır.

Yerli bazarda əməliyyat apardıqda broker, Bakı Fond Birjası və Milli Depozit Mərkəzi tərəfindən xidmət haqları tətbiq olunur.

Birbank Invest istifadəçilərə maliyyə məhsulları və xidmətləri əldə etmək imkanı verən rəqəmsal platformadır. Birbank Invest səhmlər və ETF-lər (birja fondları) ilə ticarət etmək fürsət yaradır.

Öz sahibinə cəmiyyətin (emitentin) kapitalında iştirak, mənfəətinin bir hissəsini dividend şəklində almaq və onun idarə olumasında iştirak etmək hüququ verən qiymətli kağızıdır. Səhm, eyni zamanda, cəmiyyətin ləğvindən sonra qalan əmlakın səhmdarlar (səhm sahibləri) arasında mütənasib bölüşdürülmə hüququnu da təsdiqləyir. Şirkətlər tərəfindən kapitalı artırmaq və maliyyə vəsaiti cəlb etmək üçün emissiya edilir.

ETF (birja fondları) əsas fond birjalarında ticarət edilən investisiya fondunun bir növüdür. ETF-lər, səhmlər, istiqrazlar və ya digər qiymətli kağızlar portfelini almaq üçün investorların pullarını birləşdirdikləri adi qarşılıqlı fondlara bənzəyirlər. Fondun gəliri isə vaxtaşırı payçılar arasında bülüşdürülür. ETF-lər birjada ticarət edildiyindən olduqca likviddirlər və istənilən vaxt satılıb nağd vəsaitə çevrilə bilərlər. Hazırda bazarda müxtəlif ETF-lər ticarət edilir və istənilən aktiv növünə investisiya etməyə imkan yaradır: qızıl, gümüş, platin, neft, istiqraz, səhm, makro-iqtisadi, sektoral (qida, kimya sənayesi, maşınqayırma, yüksək texnologiya və s.), coğrafi (inkişaf etməkdə olan ölkələrin iqtisadiyyatları, müəyyən bir ölkənin iqtisadiyyatı və s.).

Səhmləri necə satın ala bilərəm?

Səhmləri almağın ən sadə üsulu Birbank Invest tətbiqidir. Hesab açdıqdan və balansı artırıldıqdan sonra səhmləri birbaşa tətbiq üzərindən satın ala bilərsiniz.
Siz müxtəlif səhmləri müqayisə etmək və maliyyə məqsədlərinizə ən uyğun olanları tapmaq üçün platformanın tədqiqat alətlərindən istifadə edə bilərsiniz. Alacağınız səhmə qərar verdikdən sonra platformadan sifariş verə bilərsiniz. Bu, bir düyməni basmaqla səhmləri almağa və satmağa imkan verir. Bundan əlavə, İnvestisiyalarınızı izləmək və maliyyə məqsədlərinizə çatdığınızdan əmin olmaq üçün lazım olan tənzimləmələri edə bilərsiniz.

Qısa müddətdə böyük gəlir əldə etmək və daha çox risk götürməyə hazırsınızsa, səhmlərə investisiya yatırmaq sizin üçün daha yaxşı seçim ola bilər. Digər tərəfdən, davamlı gəlir axtarır və investisiyalarınızı şaxələndirmək istəyirsinizsə, ETF yaxşı seçim ola bilər.

Hansı valyutada ticarət edə bilərəm?

Alqı-satqı əməliyyatı edərkən sizə məxsus olan, Azərbaycan Manatı (AZN), avro (EUR) və ya ABŞ Dollar (USD) ilə olan bank kartlarınızı istifadə edə bilərsiniz. Lakin, bütün əməliyyatlar USD ilə icra olunur. Konvertasiya, Birbank-ın Plastik Kartlar üçün nəzərdə tutulan məzənnəsinə əsasən hesablanacaq:
https://www.kapitalbank.az/currency-rates/

Xeyr, yalnız sizə məxsus olan Birbank kartlarından istifadə edə bilərsiniz.

Hesab açmaq üçün minimal depozit həddi yoxdur.

Ay ərzində neçə dəfə vəsaitləri məxaric edə bilərəm?

İstədiyiniz zaman və istənilən miqdarda vəsait çıxara bilərsiniz. Bir şərtlə ki, son balans artırılmasından sonra ən azı bir alış etməlisiniz və sifarişin məbləği ən azı $1 olmalıdır.

Satışdan sonra hesabımdan nə qədər məbləği çıxara bilərəm?

ABŞ səhm bazarında satışdan əldə olunan vəsaitin dərhal məxaric edilməsi mümkün deyil. Bu, bazarın özünün tətbiq etdiyi qaydalara əsaslanır. 2024-cü ilin may ayından etibarən, ABŞ Qiymətli Kağızlar və Birja Komissiyasının (SEC) qərarı ilə, səhm satışlarının hesablaşma müddəti "T+1" sisteminə keçmişdir. Bu, satış əməliyyatının həyata keçirildiyi gündən sonra bir ticarət günü ərzində hesablaşmanın tamamlanması deməkdir.

Bu sistem, əməliyyatların təhlükəsizliyini təmin etmək və bazar risklərini azaltmaq məqsədi daşıyır. Əməliyyatın tam hesablaşması tamamlanmadan, vəsaitin çıxarılması mümkün deyil.

Misal:
Əgər bu gün Apple səhmini satmısınızsa və hesabınıza 245$ daxil olubsa, bu məbləği həmin gün çıxara bilməzsiniz. Yalnız növbəti ticarət günündən etibarən bu vəsaiti məxaric etmək mümkün olacaq.

Ticarət üçün minimal məbləğ nə qədərdir?

Sifarişin məbləği ən azı 1$ dəyərində olaraq minimum bir qiymətli kağız alışı ilə başlaya bilərsiniz.

Ticarət üçün heç bir məhdudiyyət yoxdur, lakin investisiya hesabın artırılması üçün məhdudiyyətlər var: gündəlik maksimum 170,000 AZN və aylıq maksimum 510,000 AZN.

Sifariş verdikdən sonra alış prosesi bazar dəyişkənliyinə və seçilmiş aktivin açıq bazarda mövcudluğuna bağlıdır. İş saatları ərzində sifariş verdikdə sifarişin tamamlanması bir neçə saniyə çəkir. Lakin, qeyri-iş saatlarında sifariş vermək əlavə vaxt tələb edəcək (bazarın növbəti iş saatlarına qədər). Alış prosesi zamanı bazarın açılmasına qalan vaxtına geri sayımını görəcəksiniz.

Siz Birbank Invest vasitəsilə ABŞ-ın Nasdaq və NYSE birjalarında ticarət olunan investisiya alətlərinə çıxış əldə edə bilərsiniz.

ABŞ-ın qeyri-iş günləri istisna olmaqla, Bakı vaxtı ilə 17:30-dan 00:00-a qədər. Lakin, sifarişinizi 365 gün 24/7 yerləşdirə bilərsiniz. Alış prosesi zamanı bazarın açılmasına qalan vaxtına geri sayımını görəcəksiniz.

Bəli, lakin alışınız və ya satışınız sifariş kimi qeydə alınacaq və birjaların açılmasına qədər gözləmədə qalacaq.

Əgər alış prosesi birjanın qeyri-iş saatlarında baş verirsə, o zaman proses birja açılanda icra olunur. Satış etmisinizsə, sorğunun iş saatlarında təsdiq edilməsindən sonra məbləğ balansınıza əlavə olunur.

Alqı-satqı sorğusunu birjanın qeyri-iş saatlarında yerləşdirirsinizsə, sorğunuz birja açılanda icra olunur və onun təsdiq olunma vaxtında olan qiymət ilə baş verir.

Sorğunuz təsdiq olunana qədər onu ləğv edə bilərsiniz. Bunun üçün Tarixçə bölməsində müvafiq sorğu üzərinə klikləyərək, “Ləğv et” seçməlisiniz.

Bəli, edə bilərsiniz.

Sizin hesabınızın təsadüfən Pattern Day Trader (PDT) kimi işarələnməməsi üçün, platformamız hər dəfə sifariş verdikdə avtomatik olaraq fəaliyyətinizi yoxlayır. Əgər yeni əməliyyatınız PDT kimi işarələnməyə səbəb ola bilərsə, sifariş avtomatik rədd edilir.

Vacibdir: 5 iş günü ərzində maksimum 3 day trade etməyə icazə verilir. Əgər siz 5 gün ərzində 4-cü day trade etməyə çalışsanız, bu əməliyyat bloklanacaq və icra olunmayacaq.

Day trade — eyni səhm üzrə eyni gün ərzində alqı-satqı (və ya satqı-alqı) əməliyyatı etməkdir. Bu, əsas bazar saatları ilə yanaşı, pre-market və after-hours dövrlərini də əhatə edir.

• Long position (əvvəl alıb sonra satmaq): səhm eyni gün satıldıqda bu day trade sayılır.

• Short position (əvvəl satıb sonra almaq): səhm eyni gün geri alındıqda day trade sayılır.

Hesabınız Pattern Day Trader kimi işarələnir, əgər:

Bu qayda ABŞ maliyyə tənzimləmələrinə əsaslanır və balansı 25,000 ABŞ dollardan yüksək olan hesablar istisna olmaqla bütün hesablar üçün keçərlidir.

Sistemimiz sizi qorumaq üçün 5 iş günü ərzində 3-dən çox day trade etməyə icazə vermir.

Alqı-satqı zamanı faiz tutulur?

Hər alış və ya satış əməliyyatı üçün sifariş məbləğinin 0.2% komissiya haqqı tutulur. Komissiyanın minimal məbləği 1 $, maksimal məbləği isə 100 $-dır.

5 $ və daha aşağı olan səhmlərin və ETF-lərin alışı və satışı zamanı hər səhm və ETF üçün 0,02 $ komissiya tutulacaq. Bu səhmlər və ETF-lər üçün minimal və maksimal komissiya məbləği yoxdur.

02.04.2026 tarixindən etibarən qiyməti 5 USD və daha aşağı olan səhmlər və ETF-lər üzrə alqı-satqı əməliyyatlarına minimum 0,50 USD məbləğində komissiya tətbiq ediləcək.

Xeyr, hər hansı bir komissiya və ya xidmət haqqı nəzərdə tutulmur.

Bütün əməliyyatlar USD ilə icra olunur. Konvertasiya, Birbank-ın Plastik Kartlar üçün nəzərdə tutulan məzənnəsinə əsasən hesablanacaq: https://www.kapitalbank.az/currency-rates

Davamlı olaraq xidmətdən istifadə etmək üçün müvafiq quruma müraciət edərək, şəxsiyyət vəsiqənizi yeniləməlisiniz.

Bizə əlaqə bölməsi vasitəsilə müraciət edə bilərsiniz. Müraciət zamanı şəxsiyyət vəsiqiniz yanınızda olmalıdır.

Eyni anda tətbiqdən yalnız bir cihazda istifadə edə bilərsiniz.

Birbank Invest-in veb versiyası var?

Bəli, rəsmi saytımız: birbankinvest.az
Lakin hesaba giriş və hesabın idarə edilməsi yalnız mobil tətbiq vasitəsilə mümkündür.

Bütün portfeli satdıqdan və investisiya hesabınızdakı bütün pulu çıxardıqdan sonra, “Digər” bölməsində “Profil” > “Hesabı sil” seçiminə gedərək hesabınızı silə bilərsiniz. Hesabınızı silsəniz, eyni PIN (FİN) kodu ilə yenidən qeydiyyatdan keçmək mümkün olmayacaq.

Bizə əlaqə bölməsindən müraciət edə bilərsiniz. Müraciət zamanı şəxsiyyət vəsiqiniz yanınızda olmalıdır.